"Şuşa və Ağdama çəkiləcək qaz xəttlərinin dəhlizləri müəyyən edilib" - SOCAR-ın şöbə rəisi

"İlk növbədə Ağdam və Şuşanın qazlaşdırılmasını nəzərdə tutmuşuq. Həm Şuşa, həm də Ağdam üzrə yeni çəkiləcək qaz xəttlərinin dəhlizləri müəyyən edilib. Təqribən mart ayında Ağdam şəhəri üzrə layihələndirməni başa çatdıracağıq. Şuşa şəhəri ilə ilə bağlı indi dəqiq məlumat verə bilməyəcəyik. Maliyələşmə məsələləri həll olduqdan sonra prosesə start veriləcək".

News24.az-ın məlumatına görə, bunu SOCAR-ın "Azəriqaz" İstehsalat Birliyinin Yeni qazlaşma və inkişaf şöbəsinin rəisi Teymur Cəfərov deyib.

Şöbə rəisi bildirib ki, işğaldan azad edilən ərazilərdə ermənilər tərəfindən məskunlaşma olan ərazilərdə qaz təchizatı müəyyən qədər mövcuddur: " Ancaq oradakı qaz təchizatı qənaətbəxş deyil. Digər ərazilərdə isə qaz sistemi tamamilə məhv edilib. Qarabağda yeraltı qaz layihəsi reallaşdırılacaq".