Məşhur restoranı qumarxanaya çeviriblər - Bakıda ŞOK HADİSƏ

News24.az-ın xəbərinə görə, restoranın kabinetlərindən birində müştərilərin mütəmadi olaraq cəmləşib pul uduşu qoyulmaqla kart oyunları keçirməsi məlum olub.

8 iyul 2021-ci il tarixində həyata keçirilmiş əməliyyat-axtarış tədbirləri nəticəsində restoranının icarədarı, 1957-ci il təvəllüdlü Xaliq Behbudov və ofisiant 1984-cü il təvəllüdlü Elgün Rzayev saxlanılıb. Onların barəsində cinayət işi açılıb. Qumar oynanılan kabinetdən kart dəstləri və 1200 manatdan artıq pul aşkar edilərək götürülüb.
Binəqəi rayon Məhkəməsində açılmış cinayət işi üzrə məhkəmə prosesi keçirilib. İş adamı və işçisi Cinayət Məcəlləsinin 244-1.2.4-ci (qumar oyunlarının təşkili-qabaqcadan əlbir olan bir qrup şəxs tərəfindən törədildikdə) maddəsi ilə təqsirləndiriliblər və onların hər biri 2 il 6 ay müddətinə azadlığın məhdudlaşdırılması cəzasına məhkum ediliblər. Məhkmənin qərarı ilə onların üzərinə elektron nəzarət cihazı yerləşdirilib.