Mayın 20-dən etibarən İsrailə daxil olarkən Kovid-19 testi tələb olunmayacaq

Mayın 20-dən etibarən İsrailə daxil olarkən Kovid-19 testi tələb olunmayacaq.

News24.az xarici KİV-ə istinadən xəbər verir ki,  İsrail Səhiyyə Nazirliyi ölkəyə girişdə tələb olunan Kovid-19 testinin və beynəlxalq uçuşlar üçün maska tələbinin qaldırılacağını açıqlayıb.

Bunu İsrailin Səhiyyə naziri Nitzan Horowitz sosial media hesabından verdiyi açıqlamada bildirib.

Horowitz beynəlxalq uçuşlarda maska taxmaq öhdəliyinin də mayın 23-dən etibarən qaldırılacağını bildirib.

İsrail xəstəxanalar, təyyarələr və qocalar evləri kimi yerlər istisna olmaqla, aprel ayında maska taxmaq öhdəliyini ləğv edir.