BMT ABŞ-ı İrana qarşı sanksiyaları ləğv etməyə çağırıb

BMT nüvə sazişinə qayıtmaq barədə razılığa gəlmək üçün ABŞ-ı İrana qarşı sanksiyaları, o cümlədən neft ticarəti sahəsində sanksiyaları ləğv etməyə və ya dayandırmağa çağırır.

Bu barədə Ümumdünya Təşkilatının Siyasi Məsələlər üzrə Baş katibinin müavini Rozmari Di Karlo deyib.

"Biz ABŞ-a İranın nüvə proqramı üzrə Birgə Hərtərəfli Fəaliyyət Planı (BHFP) çərçivəsində sanksiyaları ləğv etməyə və ya dayandırmağa və İranla neft ticarətinə istisnaların genişləndirilməsinə çağırışımızı təkrar edirik", - deyə o bildirib.

Rozmari Di Karlo əlavə edib ki, İranın nüvə və raket proqramlarının inkişafı BMT-ni narahat edir: "Biz İranı atılan addımlardan imtina və BHFP üzrə öhdəliklərinə əməl etməyə çağırırıq". /Trend/