Azərbaycanda 5 yaşdan aşağı uşaqlar məktəbəqədər təhsilə cəlb olunacaq

“Məktəbəqədr təhsilin əhatələliyini artırmaq prioritet məsələdir. Dünyada bağçadan fərqli bir çox model var. Azərbaycanda ənənəvi bağça modelindən fərqli 2 model də var. Məqsədimiz əvvəlcə 5 yaşlı uşaqları, daha sonra 4 və sonra aşağı yaşları icma əsaslı məktəbəqədər təhsilə cəlb edək. Məktəbəqədər hazırlığa gedən uşaqlar cəmiyyətin rifahına xüsusi töhfə verir. Bizim təcrübəmizdən görürük ki, bütün sistemlər şffaflaşdıqca, elektronlaşdıqca, etirazlar ortaya çıxır".

News24.az-ın məlumatına görə, bunu Təhsil Nazirliyinin birifinqində nazir Emin Əmrullayev deyib.

O bildirib ki, hər il narazılıqlar olacaq: "Obyektiv səbəblər ola bilər. Məktəbəqədər təhsildə seçim kriteriyalarımız var. Bu il ilk dəfə prosesi tətbiq edirik, növbəti ildə daha da təkmilləşdirilməsini planlayırıq".