Tovuzda 73 yaşlı kişi faciəli şəkildə öldü

Tovuz rayonunda ağır yol-nəqliyyat hadisəsi qeydə alınıb.

News24.az-ın məlumatına görə, səhər saat 06 radələrində Tovuz-Böyük Qışlaq yolunun Aşağı Quşçu kəndindən keçən hissəsində “VAZ 21063” markalı avtomobil 1949-cu il təvəllüdlü Səfiyev Nəriman Qasım oğlunu vurub.

Ağır bədən xəsarətləri ilə Tovuz Rayon Mərkəzi Xəstəxanasına daxil olan 73 yaşlı piyada orada vəfat edib.

Faktla bağlı cinayət işi açılıb, araşdırma aparılır.