Diqqət! Diqqətli olmasanız Bakının 33 küçəsində cərimələnəcəksiniz

Bakı Şəhər İcra Hakimiyyəti başçısının tabeliyində Bakı Nəqliyyat Agentliyi paytaxtda 30 km/saat sürət limitli zona təşkil edib.

Bu barədə News24.az-a qurumdan bildirilib.

Məlumata görə, zonaya paytaxtın mərkəzi hissəsini əhatə edən 33 küçə daxildir. Artıq zonaya daxil olan küçələrdə müvafiq yol nişanları quraşdırılıb, nişanlanma işləri aparılıb.

30 km/saat sürət limitli zonanın bır sıra üstünlükləri yol hərəkəti iştirakçılarının təhlükəsizlik səviyyəsinin artırılması, yol qəzalarının və sağlamlığa dəyən ciddi zərərlərin azaldılması, hava keyfiyyətinin yüksəldilməsi, sosial mühitin inkişafı, səs kirliliyinin azaldılması, piyada hərəkətin, velosipedlərdən istifadənin stimullaşdırılmasıdır.