Ruslar Odessaya dron-kamikadzelərlə zərbə endirdi

Sentyabrın 25-də səhər saatlarında Ukraynanın Odessa şəhərinə növbəti dəfə dron-kamikadzelərlə hücum edilib.

News24.az Ukrayna KİV-ə istinadla xəbər verir ki, bu barədə “Cənub” Operativ Komandanlığının mətbuat mərkəzi məlumat yayıb.

"Odessanın mərkəzində yerləşən inzibati binaya üç dron zərbəsi endirib. Xilasetmə əməliyyatı və yanğının söndürülməsi davam edir", - deyə məlumatda bildirilir.

Qeyd olunur ki, şəhərə dörd dronla hücum edilib. Hava hücumundan müdafiə qüvvələri bir pilotsuz uçan aparatı vurub. Əhali arasında itki və zərər çəkən yoxdur.