Azərbaycan taekvondoçuları Eyndhovendə 7 medal qazanıb
    • 15-10-2022, 20:38
    • 221

Azərbaycan taekvondoçuları Eyndhovendə 7 medal qazanıb

Bu gün Eyndhoven şəhərində taekvondo üzrə açıq Niderland çempionatı keçirilib.

Taekvondo Federasiyasından  News24.az-a verilən məlumata görə, 40-a qədər ölkədən 800 idmançının qatıldığı G2 kateqoriyalı yarış Azərbaycan milli komandası üçün uğurlu alınıb.

Kişilərdən ibarət yığmanın böyük məşqçisi Elnur Amanov, qadınlardan ibarət millinin baş məşqçisi Səbuhi Zülfüqarov və böyük məşqçisi Sənan Həşimovun rəhbərliyi altında 8 taekvondoçumuzdan 7-ci fəxri kürsüyə yüksəlib.

Yığmanın heyətində bütün rəqiblərinə qalib gələn Eltac Qafarov (74 kq), Taleh Süleymanov (87 kq) və Minayə Əkbərova (46 kq) qızıl medala sahib olub. Digər taekvondoçularımızdan Səyyad Dadaşov (54 kq), Sədri Həmidrza (58 kq), Xanoğlan Kərimov (63 kq) və Yaşar Məmmədli (68 kq) 3-cü yeri tutublar.

Beləliklə, yığma açıq Niderland çempionatını 3 qızıl və 4 bürünc medalla başa vurub.

Qeyd edək ki, komandamız oktyabrın 16-da Vətənə qayıdacaq.