Siyəzəndə traktorda meyit tapıldı

Siyəzən rayonunda traktorun sürücü kabinəsində meyit aşkar edilib.

News24.az-ın əldə etdiyi məlumata görə, hadisə dünən günorta saatlarında rayonun Balaca Həmyə kəndində baş verib.

Kənd ərazisində “Aqroservis” ASC-yə məxsus olan, 53 T 249 dövlət qeydiyyat nişanlı traktorda meyit aşkar edilib. Meyitin üzərində hər hansı zorakılıq əlaməti aşkar edilməyib.

Araşdırmalar zamanı ölən şəxsin Xaçmaz rayon sakini olan 1966-cı il təvəllüdlü Faiq Mahmudov olması və onun qəfil vəfat etməsi dəqiqləşib.