Makqreqorun döyüş zamanı Nurməhəmmədova nə dediyi bəlli oldu

Yüngül çəki üzə UFC çempionatında rusiyalı döyüşçü Həbib Nurməhəmmədova məğlub olan irlandiyalı döyüşçü Konor Makqreqorun döyüş zamanı rəqibinə nə dediyi bəlli olub.

News24.az xəbər verir ki, o, bu barədə "Instagram" hesabında video paylaşaraq, məsələyə aydınlıq gətirib. 

Videoda amerikalı döyüşçü Paul Maliqnaqqiyə şikayət etməyi dayandırmasını məsləhət görən Konor bu sözləri deyib: "Üçüncü turun sonunda Həbibə də eyni şeyi dedim. Şikayət etmə! Hər dəfə hakimə tərəf döndü. Dördüncü raundda da...".

Onun fikrincə hakimə Həbib yox, özü müraciət etməliydi: "İlk turda hakimə mən müraciət etməliydim. Həbib ayaqlarımı dörd dəqiqə tutdu. Fəaliyyətsiz idi".

Qeyd edək ki, oktyabrın 7-də baş tutan məşhur döyüş Nurməhəmmədovun qələbəsi ilə yekunlaşmış, daha sonra o, rinqdən çıxaraq Makqreqorun komandasının üzvlərinə hücum çəkmişdi. Hazırda hər iki döyüşçü yarışlardan diskvalifikasiya olunub.