“And içmişəm ki, daha konsert verməyəcəyəm” - Elnarə Abdullayeva

“Adama deyərlər ki, ay başı xarab, böyük konsertlər eləməkdənsə, iki gündən bir yalançı bir mahnı yaz, pulunu qazan. Neynirsən, o boyda pulu sənətə xərcləyib başını xarab edirsən”. 

News24.az xəbər verir ki, bu sözləri Əməkdar artist Elnarə Abdullayeva qonaq olduğu “Söhbət var” axşam şousunda deyib.

Konsertlərə “bir ətək pul” xərclədiyini söyləyən sənətçi bildirib ki, bir daha konsert verməyəcək:

“Moskvada verdiyim “Qələbə” konsertinin zülmü hələ də başımdan çıxmayıb. Bəsdir konsertlər verdim. Pulum gedir, amma sənə “sağ ol” deyəndə yoxdur. And içmişəm ki, daha konsert verməyəcəyəm”.