Ronaldo: “Təəssüf ki, dünən yuxu bitdi” - FOTO

"Təəssüf ki, dünən yuxu bitdi. Hər kəsin bilməsini istəyirəm ki, çox fərziyyələr olsa da, mənim Portuqaliyaya olan bağlılığım bir dəqiqə belə dəyişməyib".

News24.az xəbər verir ki, bunu Portuqaliya millisinin kapitanı Kriştiano Ronaldo ölkəsinin dünya kuboku qazana bilməməsi ilə bağlı sosial şəbəkə hesabında paylaşımında qeyd edib.

“Portuqaliya üçün dünya kubokunu qazanmaq karyeramın ən böyük və iddialı arzusu idi. Sevinirəm ki, bir çox beynəlxalq titullar qazanmışam, lakin ölkəmizin adını dünyada ucalara çıxarmaq ən böyük arzum idi. Bu arzum üçün çox mübarizə apardım. 16 ildə dünya çempionatlarında qol vurduğum 5 matçda həmişə oyunçular və milyonlarla portuqaliyalının dəstəyi ilə əlimdən gələni etdim. Mübarizədən heç vaxt üz döndərməmişəm və bu arzumdan əl çəkməmişəm. Həmişə həmin məqsəd uğrunda mübarizə aparmışam və heç vaxt həmkarlarımdan və ölkəmdən üz döndərməmişəm. Hələlik, başqa sözüm yoxdur. Təşəkkürlər Portuqaliya, təşəkkürlər Qətər.

Ümid edirəm ki, bundan sonra yaxşı məsləhətçi olacaq və hər kəsə öz nəticələrini çıxarmağa imkan verəcək”.

Qeyd edək ki, DÇ-2022 37 yaşlı Ronaldonun karyerasında sonuncu dünya çempionatı idi.

DÇ-2022-nin 1/4 finalında Portuqaliya Mərakeşə 0:1 hesabı ilə uduzaraq mübarizəni dayandırıb.