Hamilə olduğunu bilməyən qadın təyyarənin tualetində uşaq dünyaya gətirib

Ekvadorun Quyaquil şəhərindən İspaniyaya gedən Tamara adlı şəxs süprizlə üzləşib.

News24.az xarici mediaya istinadən xəbər verir ki, o, hamilə olduğunu bilmədiyi üçün təyyarənin tualetində uşaq dünyaya gətirib.

Ağrıları uçuşun ortasında başladığı üçün mədəsində narahatlıq olduğunu düşünən qadın tualetə gedib və sonda uşaq dünyaya göz açıb.

Sürpriz doğuşdan sonra qadına təyyarədəki iki həkim və tibb bacısı kömək edib.

Körpəsinə ona kömək edən sərnişinlərdən birinin adını qoyan ananın və övladının vəziyyətinin yaxşı olduğu bildirilir.