Məşhur aktyor indiki aktyorları odunçu adlandırdı - FOTO

Tanınmış türk aktyoru Yalçın Dümer narazılıq edib.

Proqramların birinə qatılan Dümer son vaxtlar ona rol verilmədiyindən şikayətçidir. Bu haqda danışan aktyor film və serial prodüserlərinin ona olan laqeydliklərindən bəhs edib:

"Mənim çəkildiyim filmərə kimlər çəkilə bilib? Ən tanınmış və sevilən aktyorlarla tərəf müqabili olmuşam. Amma illərdir çəkilmək üçün mənə nə film, nə də serial təklifi gəlir. Halbuki, vaxtilə mənim setimdə çalışanlar indi prodüser olublar. Çox şükür, heç kimə borcum yoxdur, amma niyə mənə qarşı belə laqeyddirlər, anlamıram".

35 illik aktyorluq karyerası olan Y. Dümer özünə qarşı gördüyü laqeydliyi ayıb adlandırıb və son vaxtların əksər populyar aktyorları haqda kəskin danışıb:

"Hazırda fəaliyyət göstərənlərin çoxu oyunçu yox, odunçudurlar! Baş rolda oynayanlar özlərini imperator hesab edirlər. Halbuki, mən rol almaq üçün çox pul da istəmirəm... O qədər haqsızlıqlar gördüm ki, İstanbuldan Bodruma köçdüm".



News24.Az