Şahzadə Harridən şok etiraf: "25 nəfəri öldürmüşəm"

Britaniya kral ailəsindən ayrılaraq ABŞ-da məskunlaşan şahzadə Harri nəşr olunacaq kitabında Əfqanıstandakı xidməti zamanı 25 nəfəri öldürdüyünü etiraf edib.

News24.az xəbər verir ki,  Şahzadə Harri “Spare” adlı xatirə kitabında Əfqanıstanda keçirdiyi 2007-2008 və 2012-2013-cü illərlə bağlı yazdığı xatirələrdə münaqişənin səs-küy və qarışıqlığında öldürdüyü üsyançıları “yaxşıları öldürmədən aradan qaldırılan pis insanlar” kimi gördüyünü qeyd edib.

Harri kitabında "Bu rəqəmdən qorxmamaq mənə çox vacib görünürdü. Deməli mənim nömrəm 25-dir. Bu, məni qane edən rəqəm deyil, amma həm də məni utandırmır" deyə yazıb.

Şahzadə qeyd edib ki, bütün bu hadisələr zamanı onu əsas düşündürən məsələ İngiltərəyə təmiz vicdanla qayıtmaq olub:"Yaxınlıqda mülki şəxslər olmadan sadəcə Talibana atəş açırdım". /Haber Global/

Teymur MƏMMƏDOV