“Mübariz Tağıyevdən halallıq aldım” - Mərdanın “Xatirə”si

Müğənni Mərdan Kazımov “Xatirə” adlı mahnıya çəkdirdiyi klipi təqdim edib. 

News24.az xəbər verir ki, ifaçı  Xalq artisti Mübariz Tağıyevin ifasında sevilən bəstəni kliplə təqdim etmək qərarına gəldiyini bildirib: 

“ “Xatirə”ni konsertdə neçə min insanın qarşısında ifa etdim. Çox sevildi, bəyənildi. Ona görə oxumaq qərarına gəldim. Bəstənin sözləri sözləri Fəxrəddin Ziyaya, musiqisi Abbas Soltanoğluna aiddir. Öncə Mübariz bəyə konsertdəki ifamı göndərdik, bəyəndi, halallıq verdi. Daha sonra Fəxrəddin bəy və Abbas bəyin qızı ilə əlaqə saxladıq, icazəmizi aldıq. 

Gözəl geri dönüşlər alırıq.Təbii ki, bu da mənə stimul verir”.