"Hümam və Gündüz nümunəvi şagirdlər olub"

“Türkiyədəki zəlzələ dəhşəti bizim liseydən də yan keçmədi. Zəlzələ nəticəsində həlak olan Gündüz Nəzərzadə və Hümam İsmayıllı bizim liseyin məzunları olublar”. 

Bu sözləri News24.az-a Texniki Təbiət Elmləri liseyinin müəllimi Rüxsarə Məmmədova zəlzələdə həlak olan keçmiş şagirdləri haqqında danışarkən söyləyib.

Müəllimə qeyd edib ki, Hümam və Gündüz nümunəvi şagirdlər olub:

“Hər ikisi çox gözəl şagird olublar. Şagirdin gözəlliyi onun tərbiyəsində, təhsilində, biliyindədir. Bu gün çox təəssüf hissi keçiririk, çünki zəlzələ baş verən gündən ümidlə gözləyirdik ki, uşaqlarımız dağıntılar altından sağ-salamat çıxarılacaq. Bu, bir faicədir. TTE ailəsi şagirdlərini heç vaxt unutmayacaq. Zəlzələdə həlak olan 4 tələbəmizin xatirəsi uca tutulacaq hər zaman. Ailələrinə, yaxınlarına səbr diləyirəm. Allah rəhmət eləsin”.

Qumral ƏLİYEVA
Teymur MƏMMƏDOV