16 yaşlı yeniyetmədən seçki fırıldağı - Foto

Nigeriyada 16 yaşlı yeniyetmə özünü 30 yaşında göstərərək Nümayəndələr Palatası seçkilərində iştirak etməyə çalışıb.

News24.az xəbər verir ki, sosial şəbəkələrdə “Zariya Möcüzəsi” kimi tanınan Məhmud Sadis Buba adlı namizəd ətrafında qalmaqal yaranıb.

Onun 30 yaşında, məktəb attestatına sahib olduğunu və əvvəllər sürücü kimi çalışdığını bildirdiyi qeyd olunur.

Buba həmçinin siyasətə yerli icma sakinlərinin tələbi ilə qoşulduğunu iddia edib.

Sosial şəbəkə istifadəçiləri onu Nigeriya siyasətində dəyişiklik və inklüzivliyin simvolu kimi təqdim ediblər.

Lakin internetə sızan sənədlərə əsasən, onun 1995-ci ildə deyil, 2010-cu ildə doğulduğu ortaya çıxıb. Bu isə onun cəmi 16 yaşında olması və seçkilərdə iştirak hüququnun olmaması deməkdir.

Daha sonra yayılan pasport, məktəb sənədləri və doğum haqqında şəhadətnamə görüntüləri də onun yetkin olmadığını təsdiqləyib.

Onun keçmiş müəllimi də mediaya açıqlamasında Bubanı tanıdığını və onun azyaşlı olduğunu təsdiqləyib.

Əvvəlcə tərəfdarları ittihamları rədd edərək onu müdafiə etsələr də, daha sonra namizəd yaşını saxtalaşdırmaqda ittiham edilərək diskvalifikasiya olunub və o, namizədliyini geri götürüb.

Hazırda Nigeriyada bu gəncin necə seçki prosesinə daxil olduğu və ölkədə geniş müzakirə doğuran siyasi fiqura çevrildiyi müzakirə olunur. /Oddity Central/