Əraqçıdan nüvə açıqlaması

Bu gün qədər İranın nüvə problemi üçün hərbi həll yolu mövcud deyil. Konsensusa diplomatiya və ədalətli danışıqlar vasitəsilə, tərəflərdən birinin şərtlərini diktə etməyə çalışmadan nail olmaq mümkündür.

News24.az xəbər verir ki, bunu İranın xarici işlər naziri Abbas Əraqçi beynəlxalq konfransda bəyan edib.

"Biz heç vaxt nüvə texnologiyalarının inkişafı və uranın zənginləşdirilməsi hüququmuzdan imtina etməyəcəyik. İndi biz 12 günlük müharibə (İsraillə – red.) dövründən daha güclüyük", - o bildirib və ABŞ ilə İsrailin İranın nüvə proqramını məhv etmək cəhdlərinin uğursuz olduğunu vurğulayıb.

Əraqçi qeyd edib ki, İran həmişə danışıqlara hazır olduğunu nümayiş etdirib, lakin bu danışıqlar döyüş meydanında əldə olunmayan məqsədləri diktə etmək üçün vasitə kimi istifadə olunmamalıdır: "Danışıqlarda kompromis və qarşılıqlı fayda var. Bir tərəfin istədiyi hər şeyi əldə etməsi mümkün deyil".