Rusiya yeni orbital stansiyasını işə salacaq

Rusiya Federal Kosmik Agentliyinin (Roskosmos) verdiyi yazılı açıqlamada Rusiyanın yeni orbital stansiyasının quraşdırılması qrafikinin təsdiqləndiyi bildirilib.

News24.az xəbər verir ki, açıqlamada, stansiyanın quraşdırılmasının 2027-ci ildə istifadəyə veriləcək elm və enerji modulu ilə başlayacağı, 2030-cu ilə qədər orbitə buraxılacaq dörd modulla stansiya nüvəsinin yaradılmasının planlaşdırıldığı bildirilib.

Stansiyanın 2031-2033-cü illər arasında iki modul əlavə edilərək genişləndiriləcəyi qeyd edilib.

Qeyd edək ki, Rusiya hazırda fəaliyyət göstərən, lakin ömrünün sonuna yaxın olan Beynəlxalq Kosmik Stansiyanı (UUI) 2028-ci ildə tərk etməyi planlaşdırır.

Roskosmosun baş direktoru Yuri Borisov 2022-ci ildə verdiyi açıqlamada Rusiyanın öz orbital stansiyasını quracağını açıqlayıb.

Günel Məlikzadə