Xarkova raket zərbəsi: 30 nəfər yaralandı – Fotolar

Rusiya qüvvələri Xarkova raket zərbələri endirib.

News24.az xəbər verir ki, bu barədə Xarkov Vilayət Hərbi Administrasiyasının rəhbəri Oleq Sinequbov məlumat verib.

Onun sözlərinə görə, ərazidə axtarış-xilasetmə əməliyyatları davam etdirilir.

Xarkov şəhər meri İqor Terexovun məlumatına görə isə çoxmərtəbəli yaşayış binasına endirilən zərbə nəticəsində 30 nəfər yaralanıb.

Onların arasında 6 aylıq körpə də var.

Bundan başqa, ticarət mərkəzi dağılıb, evlərə və avtomobillərə də ciddi ziyan dəyib.