Sevgi ürəkdə yox, beyində başlayırmış – kişilər və qadınlar niyə fərqli aşiq olur?

Aşiq olmaq təkcə emosional deyil, eyni zamanda beyində baş verən kimyəvi proseslərin nəticəsidir.

News24.az xəbər verir ki, mütəxəssislər bu vəziyyətin həm qadınlarda, həm də kişilərdə oxşar əsas əlamətlərlə özünü göstərdiyini, lakin ifadə formalarının fərqli olduğunu bildirirlər.

Mütəxəssislərə görə, əsas əlamətlər aşiq olan insanlarda qarşı tərəf barədə tez-tez düşünmə, onu prioritetə çevirmə, yanında olanda rahatlıq və xoşbəxtlik hissinin yaranmasıdır. Aşiqkən dopamin və oksitosin hormonlarının artması motivasiya, bağlılıq və etibar hissini gücləndirir.

Araşdırmalara görə, kişilər aşiq olduqda bunu daha çox davranışla göstərirlər. Məsələn, vaxt ayırmaq, qorumaq istəyi, planlar qurmaq və məsuliyyət hissinin artması. Onlar hisslərini sözlə ifadə etməkdə bəzən çətinlik çəksələr də, addımları ilə sevgini göstərməyə meyllidirlər.

Qadınlar aşiq olduqda emosional yaxınlıq və paylaşım ehtiyacı daha güclü olur. Empatiya artır, qarşı tərəfin əhvalına həssas yanaşma formalaşır. Qadınlar sevgini daha çox söz, diqqət və emosional dəstək yolu ilə ifadə edirlər.

Mütəxəssislərin fikrincə, aşiq olmağın əsas göstəricisi qarşı tərəfin rifahını özündən önə qoymaq və onunla gələcək təsəvvür etməkdir. Fərqli davranışlara baxmayaraq, həm qadınlar, həm də kişilər üçün aşiqlik güclü bağlılıq, sevinc və mənalı münasibət hissi yaradır.