Ərdoğanın prezidentliyə namizədliyi ilə bağlı qərar qəbul edildi

Türkiyənin Ədalət və İnkişaf Partiyasının (AK Partiya) Türkiyə Böyük Millət Məclisindəki (TBMM) qrupu Rəcəb Tayyib Ərdoğanın prezidentliyə namizədliyi ilə bağlı birgə qərarını verib.

News24.az xəbər verir ki, partiya millət vəkilləri bu gün qrup sədri İsmət Yılmazın başçılığı altında toplanıb. 

İclasda Rəcəb Tayyib Ərdoğanın prezidentliyə namizədliyinin irəli sürülməsi ilə bağlı birgə qərar qəbul edilib. 

Qərardan sonra prezident  Rəcəb Tayyib Ərdoğanın hakim Ədalət və İnkişaf Partiyasından namizədliyi rəsmiləşib. /CNN Türk/

Teymur MƏMMƏDOV