Naxçıvanda 14 yaşlı oğlanı maşın vurub

Naxçıvan şəhərində yol-nəqliyyat hadisəsi qeydə alınıb.

News24.az xəbər verir ki, hadisə bu gün şəhərin mikrorayon ərazisində baş verib. "VAZ-2107" markalı avtomobil yolu keçən Babək rayonu Xəlilli kənd sakini, 2009-cu il təvəllüdlü Əhməd Xəlilovu vurub. Xəsarət alan uşaq Naxçıvan Muxtar Respublika Xəstəxanasının Travmatologiya şöbəsinə yerləşdirilib, vəziyyəti orta-ağırdır.

Faktla bağlı araşdırma aparılır.