Şimali Koreyadan yeni raket sınağı: Vəziyyət gərginləşir

Yaponiya və Cənubi Koreya Şimali Koreyanın 2 ballistik raket atdığını açıqlayıb.

News24.az xəbər verir ki, 50 kilometr hündürlüyə çatan qısa mənzilli raketlər havada 350 kilometr məsafə qət edərək Yapon dənizinə düşüb. 

ABŞ və Cənubi Koreyanın bölgədəki təlimləri davam edir.

Yaponiyanın baş naziri Kişida öz qoşunlarına təyyarələrin və gəmilərin təhlükəsizliyini təmin etməyi tapşırıb.

ABŞ və Cənubi Koreyanın bölgədə keçirdiyi hərbi təlimlərə reaksiya verən Şimali Koreya ballistik və qanadlı raket sınaqlarını artırıb.

Xatırladaq ki, ötən həftə Pxenyan administrasiyası pilotsuz sualtı nüvə zərbəsi aparan maşını sınaqdan keçirib. /TRT haber/