"Ukrayna il yarım ərzində məhv ola bilər" - Tramp

"Əgər münaqişə həll olunmasa, Ukrayna il yarım ərzində məhv edilə bilər".

News24.az xəbər verir ki, bu sözləri ABŞ-ın keçmiş prezidenti Donald Tramp "Fox News"a müsahibəsində deyib. 

Tramp Ukrayna böhranının 2024-cü ildə ABŞ-da baş tutacaq prezident seçkilərinə qədər həll olunmaya biləcəyini güman etdiyi açıqlayıb. 

O, hazırkı ABŞ prezidenti Co Baydenin administrasiyasının apardığı siyasətin üçüncü dünya müharibəsi hədələdiyini deyib.

"Əgər bu həll olunmasa, mən məsələni Ukrayna Prezidenti Vladimir Zelenski və Rusiya Prezidenti Vladimir Putinin iştirakı ilə 24 saat ərzində edə bilərəm.Bunlar çox sadə danışıqlar olardı, amma mən onların mahiyyətini açıqlamayacam" - deyə Tramp bildirib.

Donal Tramp seçkilərə qədərki bir il yarım müddəti çox uzun adlandırıb: "Bu müddət ərzində nə olacağını təsəvvür edə bilmirəm. Əsas nəticə budur ki, müharibə dayandırılmalıdır, çünki Ukrayna məhv edilir". 

Teymur MƏMMƏDOV