Naxçıvanda iki nəfər intihar etdi

Naxçıvan Muxtar Respublikasında iki nəfər intihar edib.

News24.az-ın əldə etdiyi məlumata görə, Babək rayonunun Cəhri qəsəbəsində yaşayan 1970-ci il təvəllüdlü Müşfiq Əşrəf oğlu Rüstəmov dünən axşam özünü öldürüb. Onun meyiti yaşadığı evin həyətində asılı vəziyyətdə tapılıb.

Bundan başqa martın 25-də Naxçıvan şəhəri 59-cu məhəllədə yaşayan 1965-ci il təvəllüdlü Füzuli Sirəddin oğlu Həsənov da özünü asaraq həyatına son qoyub.

Baş vermiş hər iki intihar hadisəsi ilə bağlı araşdırma aparılır.

Taleh BAĞIROV