"Öz əcəli ilə ölməyib" - prodüser danışdı - FOTO

Rusiyanın məşhur reperi Detsilin ölümü ətrafında dolaşan söz-söhbət səngimək bilmir.

Onun qəfil ölümü çoxunda heyrətlik və şübhə yaradıb. Bu günlərdə isə prodüser Andrey Razin hər kəsi düşündürəcək fikir söyləyib.

Prodüser açıqlama verərək, Detsilin öz əcəli ilə ölməsinə inanmadığını bildirib. Qeyd edib ki, reper sağlığından heç vaxt şikayət etməyib və heç bir klinikada müalicə almayıb. Hətta kliplərində guya marixuana çəkirmiş kimi, sadəcə adi siqaret çəkib. 

Daha sonra isə Detsilin öldüyü anı xatırlayaraq, bunları deyib:

"Detsl qrim otağında özünü pis hiss edəndə heç kim yanında qalmadı, orda olanlar qaçdılar. Bunu anlaya bilmədim ki, niyə bu vəziyyətdə onu tək buraxdılar. Burada nəsə şübhəli məqam var"!

A. Razinin sözlərinə görə Detsili kimsə zəhərləmiş ola bilər. Onun təxmininə reperin yaxın dostu olan Robert Yelizaryev də həmfikir olub.

News24.Az