"ABŞ Baydenin miqrasiya siyasətinə görə “zibilliyə” çevrilib" - Tramp

ABŞ-ın keçmiş prezidenti Donald Tramp hazırkı Amerika lideri Co Bayden administrasiyasını ABŞ-ı “zibilxanaya” çevirən immiqrasiya siyasətinə görə tənqid edib.

News24.az xəbər verir ki, Tramp Birləşmiş Ştatların onun rəhbərliyi altında olduğu zamanlarda tarixinin ən təhlükəsiz sərhədinə malik olduğunu qeyd edib: "Baydenin dövründə cənub sərhədi ləğv edildi və milyonlarla qeyri-qanuni miqrant cəmiyyətimizə daxil oldu". 

"Bu insanların çoxu çox təhlükəlidir. Biz zibilxana kimiyik. Şəhərlərimiz evsiz insanlar, narkotik aludəçiləri və zorakı cinayətkarlarla dolub-daşıb" - deyə Tramp bildirib. 

Tramp vurğulayıb ki, Baydenin prezidentlik müddətinin nəticəsi yarım əsrin ən güclü inflyasiyası və Əfqanıstandakı fəlakət olub.

Ağ Evin keçmiş rəhbəri həmçinin qeyd edib ki, Baydenin siyasətinə görə dünya Üçüncü Dünya müharibəsi astanasındadır. /TASS/