Bakıda doğulan dördəmlərdən xəbər var

TƏBİB Bakıda doğulan dördəmlərin səhhətini açıqlayıb.

News24.az-ın xəbərinə görə, qurumdan APA-nın sorğusuna cavab olaraq bildirilib ki, 1993-cü il təvəllüdlü vətəndaş tərəfindən 31.03.2023-cü il tarixində TƏBİB-in tabeliyindəki Respublika Perinatal Mərkəzində dördəm dünyaya gəlib:

“Körpələr doğularkən çəkiləri 1 300, 1 300, 1 400 (hər biri kişi cinsi olmaqla) və 1 200 (qadın cinsi olmaqla) olub. Onlara zəruri tibbi xidmətlər göstərilib və müalicələri davam etdirilib. 02.05.2023-cü il tarixində anaları və körpələri kafi vəziyyətdə evə buraxılıb”.