Şəkərli diabet xəstələrinin yaraları daha tez SAĞALACAQ

Penza Dövlət Universitetinin (PSU) mütəxəssisləri donuz kollageninə əsaslanan antioksidant terapiyanın yerli tətbiqindən istifadə etməklə diabetik ayaq sindromu olan xəstələrdə yaraların sağalma müddətini iki dəfə azaltmağın yolunu tapıblar.

News24.az xəbər verir ki, prosedur xəstələr üçün sadə və ağrısızdır. Rusiya Təhsil və Elm Nazirliyindən  verilən məlumata görə,  Rusiyada hər 15-ci rusiyalıya şəkərli diabet diaqnozu qoyulub. Xəstələrin təxminən 8-10% -i diabetik ayaq sindromundan əziyyət çəkir. Belə xəstələrdə evdə və ya əməliyyatdan sonra  yaraların sağalması 2-3 aya qədər gecikir. 

Penza alimləri xəstəliklə mübarizənin yeni üsulunu - antioksidant terapiyanın yerli tətbiqini təklif ediblər. Bu vəziyyəti müalicə etmək üçün alimlər hüceyrələrə mexaniki dəstək və kimyəvi maddələrin daşınmasını təmin edən donuz hüceyrədən kənar kollagen matrisindən istifadə etməyi təklif edirlər. Həmin maddə donuzun nazik bağırsağının selikli qişasından hazırlanır. 

Qeyd edək ki, alimlər laboratoriya heyvanları üzərində eksperimental şəraitdə sınaqdan keçiriblər. Nəticələr hüceyrədən kənar kollagen matrisinin bədən toxumalarına yaxşı implantasiya edildiyini müşahidə edilib. İndi əsas qrupa daxil edilmiş 10 könüllü üzərində təklif olunan metodun klinik tədqiqatları aparılır. Bunlar 3 aydan çox sağalmayan yaraları olan diabet xəstələridir. Onlara hüceyrədənkənar kollagen matrisi, kollagen gel və onların birləşdirilmiş variantı implantasiya edilib. 

Aynurə