ABŞ-da koronavirus xəstələrinin fərqli müalicə ÜSULU

Araşdırmaçılar koronavirusu ağır formada keçirən xəstələrin effektiv müalicəsi üçün yeni üsul təklif ediblər.

News24.az xarici KİV-lərə istinadən xəbər verir ki, bu barədə ABŞ-ın Boston Universitetinin alimlərinin birgə məqaləsində bildirilib. 

Mütəxəssislərin sözlərinə görə, koronavirusun ən ağır halları respirator distress sindromuna yol açır. Ağciyərlərin bu vəziyyəti insan həyatı üçün təhlükəli sayılır. Alimlər bu ağırlaşmanın müalicəsi üçün ağciyərlərin ventilyasiyasını pasiyenti üzüqoyulu uzadaraq həyata keçirməyi təklif ediblər.

Araşdırmaçılar bu üsulla müalicə olunan xəstələrdə ölüm faizinin 16,7% olduğunu vurğulayıblar. Halbuki digər üsulla müalicə alanlarda ölüm faizi daha yüksəkdir.