Azərbaycan hərbçiləri müdafiəni yardı, yol bağlandı — Paşinyan

“Şuşa bizim üçün strateji əhəmiyyətə malik idi. Bütün göstərişlər Şuşanın möhkəmləndirilməsi, şəhərin müdafiəsinin təşkili ilə bağlı idi. Sonda lazım olan hər şeyin görüldüyü təəssüratı təsdiqləndi, lakin həmin hazırlıq işlərindən çox keçmədən bir qrup azərbaycanlı hərbçi Zarıslı kəndi ərazisində müdafiəmizi yarması və Laçın-Xankəndi yolunu kəsməsi xəbəri gəldi. Yəni mahiyyətcə yol bağlandı”. 

News24.az xəbər verir ki, bunu Ermənistanın baş naziri Nikol Paşinyan 44 günlük müharibəni araşdıran parlament komissiyasının iclasında çıxışı zamanı deyib.

“Bu xəbəri mənə Qarabağın “prezidenti” çatdırdı, lakin Silahlı Qüvvələrin Baş Qərargahı bu məlumatı təsdiqləməyib. Yeri gəlmişkən, bu, müharibə illərində təxminən on dəfə təkrarlanan vəziyyət idi, Araik Arutyunyan xəbər verəndə baş katib xəbəri təsdiqləmədi, hətta təkzib etdi və bir müddət sonra etiraf etməli oldu ki, o düz deyirdi. Mahiyyət etibarı ilə Şuşanın tənəzzülü də bu andan başlayıb”, - Paşinyan qeyd edib. 

Akqabay