Muğlada meşə yanğını: əraziyə helikopter və təyyarələr cəlb olundu - FOTO

Türkiyənin Muğla vilayətinin Datça rayonunda meşə yanğını başlayıb.

​News24.az​​​ xəbər verir ki, hadisə yerinə çoxlu sayda yanğınsöndürən göndərilib.

Yanğın yerli vaxtla saat 18:30 radələrində Datça rayonunun Kargı məhəlləsində naməlum səbəbdən baş verib.

Muğla Meşə Region İdarəsinə bağlı qruplar yanğına havadan və qurudan müdaxilə etməyə başlayıb.

Yanğının söndürülməsinə 6 helikopter və 6 təyyarə cəlb olunub.

Yanğınsöndürmə işləri davam edir.