Nigar qonşusunu polisə vermək istəyir

Əməkdar artist Nigar Şabanova qonşusunu polisə şikayət etmək istəyir. 

News24.az xəbər verir ki, xanəndə qonşusunun həyətdə it saxladığını və gecələr onun səsindən yata bilmədiyini deyib.

O qeyd edib ki, dəfələrlə şikayət etsə də, ona məhəl qoyulmayıb: "Polisə, məhkəməyə müraciət etsəm, deyəcəklər ki, qonşuluğu pozdu. 10 gündür sənə deyirəm ki, iti kənara bağla, evə sal yanında yatızdır. Sənə xeyri yoxdur, düz pəncərəmin altında bağlayırsan. Səhərə kimi hürür. Mədəniyyətin, insanlığın olsun. Bu, bağ evidir, gecə saat 12 oldusa, səs gəlməməlidir. 10 gündür ki,  gecə yuxusu nədir bilmirəm. Qonşunun beləsini Allah heç kimə qismət etməsin".