Rusiya Ukraynaya raket zərbələri endirib

Rusiya bu gün Odessa vilayətinin aqrar-sənaye müəssisələrindən birinə raket zərbəsi endirib. 

News24.az xəbər verir ki, bu barədə Ukraynanın cənubunun müdafiə qüvvələrinin birgə əlaqələndirilməsi üzrə mətbuat mərkəzinin rəhbəri Natalya Qumenyuk məlumat verib.

Onun sözlərinə görə, zərbə çox aşağı hündürlükdə uçan “Kalibr” tipli raketlərlə həyata keçirilib, ona görə də zərbə əslində hava reyd siqnalı ilə baş verib. Qumenyuk əlavə edib ki, bir çox kənd təsərrüfatı və xilasetmə texnikası zədələnib.
Odessa vilayəti hərbi administrasiyasının rəhbəri Oleq Kiper məlumatı təsdiqləyib. “Düşmən 100 ton noxud və 20 ton arpa məhv edib. Bundan başqa, iki nəfər də yaralanıb”, - deyə o bildirib. 

Arzu