Bu gün Od çərşənbəsidir

Bu gün Azərbaycanda od çərşənbəsi qeyd olunur.

News24.az xəbər verir ki, od çərşənbəsi Novruz bayramının ikinci çərşənbədir.

Bu çərşənbə xalq arasında "Xəbərçi çərşənbə", "Üskü çərşənbə", "Addı çərşənbə" kimi tanınanır. Qədim insanların Günəşə, oda olan inamından irəli gəlir. Adət-ənənəyə görə, bu gün tonqal qalayıb, alovun üzərindən tullanmaqla daxildə olan bütün çirkabı və azar-bezarları yandırırlar.

Digər çərşənbələrdə olduğu kimi, od çərşənbəsində də qazanlar qaynamalı, ocağın üstü boş olmamalıdır. Bu çərşənbədə odun, tonqalın yandırılması həmin ilin isti, bərəkətli keçməsinə işarədir.

Qeyd edək ki, bu il Azərbaycan ərazisində baharın gəlişi martın 21-i Bakı vaxtı ilə təxminən saat 01:58 radələrində baş verəcək.