Ərdoğan Putinlə niyə görüşmək istəyir?

Türkiyə prezidenti Rəcəb Tayyib Ərdoğan Nyu Yorkda Birləşmiş Millətlər Təşkilatı Baş Assambleyasının 78-ci sessiyası başlamazdan əvvəl  rusiyalı həmkarı Vladimir Putinlə görüşməyi planlaşdırır.

News24.az xəbər verir ki, bu barədə "TASS" Ankaradakı mənbəyə  istinadən məlumat yayıb.

"Son tarix hələ razılaşma mərhələsindədir, lakin bu,  BMT Baş Assambleyasına qədər baş verəcək ", - mənbə bildirib.

Mənbənin sözlərinə görə, iki dövlətin liderləri Ukraynadakı münaqişənin dinc yolla həlli perspektivlərini diqqətlə müzakirə etmək niyyətindədirlər. Bundan əlavə, o qeyd edib ki, Ərdoğan və Putin həm taxıl müqaviləsini, həm də ərzaq çatdırılması üçün mümkün alternativləri müzakirə etməlidirlər.

"Danışıqlar zamanı sövdələşmənin əvvəlki formada bərpası məsələsi ümumilikdə müzakirə olunacaq, taxılın ehtiyacı olan ölkələrə çatdırılması üçün mümkün alternativlər də gündəmdə olacaq", - TASS-ın həmsöhbəti bildirib

Aydan