“Müğənnilər tərəfindən evi yıxılan yüzlərlə qadın var”

Müğənni Aysel Əlizadənin 13 illik ailəni dağıtması ətrafından söz-söhbət böyüməkdədir.

News24.az xəbər verir ki, Turanə adlı xanımın “Səni axtarıram” verilişinin reklam fasiləsində çəkilən görüntüləri yayılıb.

O, verilişdə etdiyi açıqlamanın əsl səbəbinin övladı olduğunu deyib: “Bəlkə də mənim buraya çıxmağımı düzgün anlamayacaqsınız. Amma buna məcburam. Onları etiraf edirəm ki, müğənni tərəfindən mənim ailəm dağıdılıb.

Sonuncu dəfə də qızım və yoldaşım o müğənni ilə getdi, qayıdanda isə uşağı mənə göstərmədilər. Yəni, ailəmin dağılma səbəbi Aysel Əlizadədir. Mən bu verilişə utanaraq, məcburiyyət qarşısında övladıma qovuşmaq üçün gəlirəm. Övladımı alıb mənə versinlər. Mənim kimi müğənnilər tərəfindən ailəsi dağılan yüzlərlə qadın var. Onlara səslənirəm ki, utanmayın. Gəlin olanları danışın”.