“Diqlas”da zərəçəkənlərin PA-nın qarşısında keçirmək istədikləri aksiyaya - BŞİH-dən REAKSİYA - RƏSMİ

Bakı Şəhər İcra Hakimiyyəti “Diqlas” Ticarət Mərkəzinin yanğın zamanı zərərçəkənlərin sabah Prezident Aparatının qarşısında keçirmək istədikləri aksiyasına reaksiya verib. İcra Hakimiyyətinin mətbuat xidmətinin rəhbəri İsrafil Kərimov News24.az-a açıqlamasında bildirib ki, onlara zərərçəkənlərdən müraciət daxil olmayıb: “Bizə bu barədə məlumat verilmədiyi üçün nəsə deyə bilmərik. Ümumiyyətlə, zərərçəkənlər bizə sabah Prezident Aparatının qarşısında yığışmaqları ilə bağlı müraciət etməyiblər. Bu gün bizə hər hansı məlumat verilməyib. Rəsmi icazə olmadığı üçün də onlara icazə verilməyəcək. Mütləq şəkildə icazə olmalıdır”. 

Qeyd edək ki, bu gün “Diqlas” Ticarət Mərkəzinin idarəedicilərindən biri olan Araz Rəhimovun təklifi ilə razılaşmayan zərərçəkənlər sabah Prezident Aparatının qarşısında yığışmaq haqda qərar qəbul ediblər.

Sevinc YASİNQIZI