Paşinyan: “Bir neçə aya sülh sazişi imzalana bilər”

“Bir neçə aya İrəvanla Bakı arasında sülh sazişi imzalana bilər”.

News24.az  xəbər verir ki, bunu Ermənistanın baş naziri Nikol Paşinyan Tbilisi Beynəlxalq İpək Yolu Forumunun açılış mərasimində deyib.

“Hazırda sənəd üzərində aktiv iş gedir”, - deyə Paşinyan qeyd edib.

O bildirib ki, tezliklə Ermənistanla Türkiyə arasında sərhədlərin açılmasında müsbət irəliləyişlər ola bilər.

N.Paşinyan Ermənistanın regionda bütün nəqliyyat və kommunikasiyaların açılmasında maraqlı olduğunu bəyan edib.

“Cənubi Qafqazda gələcək nəqliyyat kommunikasiyalarının təhlükəsizliyini təmin etmək üçün Ermənistanın hüquq-mühafizə orqanlarında bölmə də yaradılır”, - deyə Paşinyan əlavə edib.

Aynurə