Saakaşvilidən MÜHÜM AÇIQLAMA: "Gəlin, bir-birimizin əllərindən tutaq"

"Mən diaspordakı dostlarıma, tanışlarıma və tanımadığım insanlara müraciət etmək istəyirəm: gəlin, tariximizin həlledici məqamında bir-birimizin əllərindən tutaq ki, ölkəmizi itirməyək".

News24.az xəbər verir ki, bu barədə eks prezident Mixeil Saakaşvili sosial media hesabında qeyd edib.

Saakaşvilinin sözlərinə görə, onun xahişi ilə “Milli Hərəkat”ın liderləri diaspor nümayəndələri ilə görüşür:

“Qarşıdan gələn seçkilər öz əhəmiyyətinə görə tarixidir və Gürcüstanda Kommunist Partiyasının məğlub olduğu və milli hərəkatın qalib gəldiyi 1990-cı il seçkilərinə bərabərdir.

Əgər gürcü xalqı növbəti seçkilərdə qalib gələ bilməsə, oliqarx hakimiyyəti həmişəlik möhkəmlənəcək və Gürcüstan dövləti sürətlənmiş templə sona gedəcək.

Odur ki, harada olmasından asılı olmayaraq, bütün gürcülərin bu seçkilərdə iştirakı həlledicidir", - deyə Saakaşvili vurğulayıb.

Sabiq prezident bildirib ki, hazırda onun xahişi ilə “Qələbə Koalisiya” nümayəndə heyəti Amerikada diasporla görüşür və növbəti görüş ABŞ, Almaniya, Yunanıstan və digər Avropa ölkələrində olacaq.

Aynurə