Tehran geri addım atır: "MÜNAQİŞƏYƏ GİRMƏYƏCƏK"

“Tehran Yaxın Şərqdə birbaşa münaqişəyə girməyəcək”.

News24.az xəbər verir ki, bu barədə “Asia Times” məlumat yayıb.

“İranın İsrailin Qəzza zolağına hücumunu davam etdirəcəyi təqdirdə ciddi nəticələrlə üzləşəcəyi barədə xəbərdarlıq etməsinə baxmayaraq, Tehran Yaxın Şərqdə birbaşa münaqişəyə girməyəcək”, - nəşr qeyd edib.

Bildirilib ki, İran İsrailin kəskin cavabından ehtiyat edərək münaqişədə birbaşa iştirak etmək niyyətində deyil:“İranın Qəzza zolağında potensial müharibəyə girməsi düşmənlər arasında döyüşlərdə yeni bir səhifə açacaq və müharibəni birbaşa İrana gətirəcək”.

Nəşr qeyd edib ki, Tehran aqressiv ideoloji ritorika ilə siyasi məqsədəuyğunluq arasında tarazlığı saxlamalıdır, lakin o, müharibənin gözlənilməz dumanında asanlıqla pozula bilər.

“İran İsrailə qarşı rəsmi xəttinin son dərəcə radikal olduğunu göstərir, Tehran yəhudi dövlətinin mövcud olmaq hüququnu inkar edir və onu “sionist qurum” adlandırır. Bununla belə, İran İsraillə açıq qarşıdurmanın çox baha başa gələ biləcəyini tam başa düşür. Bu, təkcə İsrailin İran hədəflərinə hərbi cavab zərbəsi endirməsinə deyil, həm də öz vətəndaşları arasında getdikcə populyar olmayan rejim üçün siyasi nəticələrə gətirib çıxara bilər”.

Ayşən