Türkiyə Cümhuriyyətinin 100-cü ildönümü loqosunu HƏMYERLİMİZ HAZIRLADI

Azərbaycanlı dizayner Adam Yunisov adını Türkiyə tarixinə yazıb. 

News24.az Ednews-a istinadla xəbər verir ki, dizayner bu il oktyabrın 29-da Türkiyə Cümhuriyyətinin yaradılmasının 100-cü ildönümü münasibəti ilə loqo hazırlayıb. 

Sözügedən loqo isə qardaş ölkə Türkiyə tərəfindən rəsmi loqo kimi qəbul olunub. A.Yunisov ərsəyə gətirdiyi əlamətdar layihə ilə bağlı sosial şəbəkə hesabında post yayımlayıb. 

Dizayner paylaşımına “Karyeramın ən uğurlu və qürurverici işlərinin başına “Türkiyə Cümhuriyyəti 100-cü il loqosu” ilə imza atdığımı düşünürəm. Loqonun həyatımın yarısından çoxu olan 26 ilini yaşadığım doğma Türkiyə tərəfindən rəsmi tanınması mənim üçün daha da qürurvericidir. Əminəm ki, dizaynla məşğul olan hər kəsin çatmaq istəyəcəyi bir zirvəni yaşadım. Bir daha belə bir qürur üçün gərək 100 il daya yaşayam” sözlərini yazıb.