Ermənistan hakimiyyəti “turp yeyib”

Məlum olduğu kimi, Ermənistan Rusiyaya Roma Statutundan yan keçməyə imkan verən dövlətlərarası saziş imzalamağı təklif edib.

News24.az ordu.az-a istinadla xəbər verir ki,  bu barədə Ermənistanın “Hraparak” nəşri yazıb.

Nəşr qeyd edib ki, Rusiya media-ekspert ictimaiyyəti bu açıqlama ilə bağlı kifayət qədər maraqlı fikirlər səsləndirib.

“Onlardan bəzilərini aşağıda təqdim edirik. Mövcud fikirlərdən birinə görə, Ermənistan hakimiyyəti “turp yeyib” və indi vəziyyəti nizamlamaq üçün boşluqlar axtarır. Başqa bir baxışa əsasən, Baş nazir Nikol Paşinyanın timsalında Ermənistanın indiki hakimiyyəti “bir anda iki stulda oturmağa” çalışır: NATO ilə münasibətləri gücləndirmək üçün Roma Statutunu ratifikasiya edirlər, lakin həm də Rusiyanı qəzəbləndirməmək, Rusiya ilə əlaqələri və münasibətləri saxlamaq istəyirlər. Lakin bu baxışı dəstəkləyənlərin fikrincə, məsələ Ermənistanın NATO-ya ehtiyacı olub-olmamasıdır. Ona görə də bütün bunların son nəticəsi o ola bilər ki, məlum uşaq oyunu kimi Ermənistan da oradan atılmayacağına ümid edərək “son kreslo”ya düşə bilər. Üçüncü bir baxışa əsasən, Rusiyanın Paşinyanın yürütdüyü bu xarici siyasət xətti ilə barışa biləcəyini və dözə biləcəyini düşünmək ən azından absurddur. Bəzi ekspertlər istehzasız bəyan edirlər ki, Ermənistan “hiyləgərcəsinə” Beynəlxalq Cinayət Məhkəməsindən yan keçmək üçün boşluq tapmağa çalışır və Rusiya Federasiyasının Prezidentini Ermənistana qonaq kimi dəvət edir”, - deyə nəşr bildirib.