Qurban Qurbanov dünya çempionu oldu

Azərbaycanın yunan-Roma güləşçisi Qurban Qurbanov Bakıda hərbiçilər arasında keçirilən dünya çempionatında qızıl medal qazanıb.

News24.az İdman.Biz-ə istinadən bildirir ki, 77 kq çəki dərəcəsində mübarizə aparan güləşçimiz finalda rusiyalı Aleksandr Babumara ilə qarşılaşıb.

Rəqibini məğlub edən idmançımız dünya çempionu tituluna yiyələnib.

Qeyd edək ki, Azərbaycan güləşçiləri mundialın ilk 3 günündə 10 qızıl, 2 gümüş və 6 bürünc medal qazanıblar.