Pakistan XİN-dən İrana sərt reaksiya

Pakistan İranın iki uşağın ölümünə səbəb olan öz ərazisinə raket hücumunu kəskin şəkildə pisləyir, suverenliyin pozulması ciddi nəticələrə səbəb ola bilər.

News.24.az xəbər verir ki, bunu Pakistanın İşlər Nazirliyi bildirib.

"Pakistan İranın əsassız hava məkanını pozmasını və Pakistan ərazisinə hücumunu qətiyyətlə pisləyir... Pakistanın suverenliyinin bu şəkildə pozulması tamamilə qəbuledilməzdir və ciddi nəticələrə səbəb ola bilər", - deyə məlumatda qeyd olunub.

Xarici İşlər Nazirliyi bildirir ki, İranın hücumu nəticəsində iki uşaq həlak olub, daha üç qız isə yaralanıb.

İran Xarici İşlər Nazirliyinin Tehrandakı müvafiq yüksək vəzifəli rəsmisinə etiraz notası təqdim edilib. Bundan əlavə, İranın müvəqqəti işlər vəkili Pakistan Xarici İşlər Nazirliyinə çağırılıb və orada ona zərbənin nəticələrinə görə məsuliyyətin yalnız İranın üzərinə düşəcəyi barədə məlumat verilib.

Xatırladaq ki, ötən gün SEPAH Pakistan ərazisindəki “Ceyş ül-Ədl” qruplaşmasının iki qərargahına raket və PUA-larla zərbələr endirdiyini açıqlayıb.

Mehriban Mirzəzadə