Azercell-dən rəqəmsallaşma strategiyası çərçivəsində daha bir YENİLİK
    • 18-04-2019, 16:06
    • 986

Azercell-dən rəqəmsallaşma strategiyası çərçivəsində daha bir YENİLİK

Ölkənin mobil rabitə sahəsinin lideri Azercell rəqəmsallaşma strategiyası çərçivəsində daha bir yeniliyə imza atıb.

News24.az
xəbər verir ki, yeni layihə sayəsində nömrələrin sadə fiziki simpaketlərə bağlılığı tamamilə aradan qaldırılıb. Aprel ayının 16-dan etibarən Azercell-in ÖM və MX ofisləri, həmçinin diler və distributor şəbəkəsi E-Sim nömrələrinin satışını mərkəzləşdirilmiş www.azercellim.com onlayn bazasının köməyilə həyata keçirə bilir. 

Qeyd edək ki, Azercell nömrəsi əldə etmək istəyən hər bir kəs istəyinə uyğun olan müəyyən bir nömrəni www.azercellim.com saytındakı axtarış bölməsindən tapa bilər. Burada axtarış meyarlarına uyğun gələn nömrə kombinasiyaları təklif edilir və hansı dilerdə satışda olması barədə məlumat öz əksini tapır.

Nömrələrin satışını onlayn baza vasitəsilə həyata keçirməyə imkan verən yeni E-Sim layihəsi nəticəsində 1 milyondan çox mərkəzləşdirilmiş nömrə bazası bütün diler və distributorlar üçün əlçatan olub. Önəmli olan məqamlardan biri də saytdakı nömrə bazasının mütəmadi olaraq yenilənməsidir. 

E-Sim layihəsi nömrə paketlənməsində xərclərin azaldılmasına, nömrə satışlarının artmasına, eyni zamanda şəffaf və rəqəmsal biznes infrastrukturunun qurulmasına təkan verir.