Conni Depp 7 rəqəmli qonorara Səudiyyə Ərəbistanda..

“2030 Vizyonu” çərçivəsində maliyyədən futbola qədər hər sahəyə sərmayə qoyaraq Səudiyyə Ərəbistanını cazibə mərkəzinə çevirməyi hədəfləyən 38 yaşlı vəliəhd Məhəmməd bin Salman, “2030 Vizyonu” çərçivəsində böyük bir sıçrayışa hazırlaşır. Amerikanın “Vanity Fair” jurnalının xəbərinə görə, Bin Salman məşhur amerikalı aktyor Conni Deppin ölkəsinin kino və mədəniyyət səfiri olması üçün böyük iş görüb.

News24.az xəbər verir ki, Depp 7 rəqəmli qonorar imzalayıb. İmzalandıqdan sonra Depp ölkədəki bütün kino fəaliyyətlərində iştirak edəcək və ölkədə filmlər çəkəcək. Depp daha əvvəl 2022-ci ildə Ciddədə keçirilən 3-cü Qırmızı Dəniz Beynəlxalq Film Festivalında iştirak edib. Bəs niyə Ər-Riyad Conni Deppi seçdi? Bu sualın cavabı “Bin Salman və Depp arasındakı dostluğa əsaslanır".

Bu dostluğun memarı Bin Salmanın etibarlı dostu şahzadə Bədr bin Fərhan Əl Səuddur. Ölkəsinə Hollivud sənətçilərinin gətirilməsinə cavabdeh olan Səudiyyə Ərəbistanı Ümumi Əyləncə İdarəsinin üzvü Şahzadə Bədr film çəkilişləri zamanı Depplə tanış olub. 60 yaşlı aktyor Səudiyyə Ərəbistanına ilk dəfə 2022-ci ildə səfər edib. Ciddədə festivalın açılışına qatılan Deppin başqa heç bir tədbirə qatılmamasına baxmayaraq, bu müddət ərzində Bin Salmanla tanış olduğu güman edilir.

Jurnalın məlumatına görə, Depp 2023-cü ildə Səudiyyə Ərəbistanında 7 həftə qalıb. Kral saraylarında qalan Depp lüks yaxtalar və helikopterlərlə ölkəni gəzib. Depp hətta Bin Salmanın "bu səfərdə dost olduğu" şəxsi Boeing 747-də Londona qayıdıb. Deppi tanıyanların onun Bin Salmanla dost olmasına çox təəccübləndiklərini ifadə edən jurnal, Deppin "Səudiyyə Ərəbistanının mədəni inqilab yaşadığına bütün qəlbi ilə inandığına" işarə edərək xəbəri yekunlaşdırıb.

Günel Məlikzadə